2026. KARNAVOL NA KUPINI

2026. KARNAVOL NA KUPINI
trajanje: 04'51''
snimatelj: Dalibor Pavošević

KUPINA KARNEVAL 2026.

EVO TI PASALO GODIŠĆE OD KAD STE SE OVOD ZADNJI PUT FERMALI

DVOJE DICE NAM SE OD TADA RODILO A NEKI JUDI SU, NA ŽALOST, NESTALI.

NOVIM ČLANOVIMA KUPINE, FALA BOGU, SVI ŽELIMO DOBRODOŠLICU,

MAJORU I ŽENI I ANDREI KITOTA ČESTITAMO A NJIHOVOJ DICI POKLANJAMO PO BOČICU.

ČA ZNAMO- NIKO SE NI RASTAVI I TO NAS JAKO VESELI,

A PINKU NAN JE KRIVO JERBO SE JURE SA GORDANOM IZ BOLA ISELI.

UVIK JE NA SVIH PAZI, PA I NA TO DA MU SE U KUĆU NASELI NIKOR IZ VIŠEG SEKTORA,

PA IMA BIT DA NAN NA KUPINU DOHODI BIVŠI MINISTAR A ŠUŠKA SE DA MOŽEMO OČEKIVAT I BIVŠEGA INSPEKTORA.

KUPINA ZAFALIJE JURI ZA SVE ČA SMO PASALI SKUPA,

NEKA MU JE SA SRIĆON I NEKA SE ON IZ GOVANA IŠČUPA.

GODIŠĆE NA KUPINI SU OBILJEŽILA JOŠ DVA VELA DOGAĐAJA KOJA VAJA SPOMENUT,

VELIKI 96-i ROĐENDAN FRANE PEKA, KOJEG MALO KO MORE DOSEGNUT.

NIŠTA MANJE VRIDAN NI NI ZLATNI PIR BUMBE I ZDRAVKE,

TO DVOJE KAD GLEDAŠ - KO DA ŽIVIDU ŽIVOT IZ BAJKE.

NJIHOV SKLAD NE REMETI NI ONO PAR PUTI DNEVNO ČA SE POSVADE,

SVE DO NOĆI PASO - NAKON ČA BUMBA SA TOVAROM PODILI SVOJE JADE.

E, A DA SE VROTIMO NA FRANU PEKA, ODNOSNO PERICU - NJEGOVU ŽENU,

SVOJOM POJAVOM NA MANUELINOM KANALU JE POKAZALA DA JE ROĐENA ZA JAVNU SCENU.

NA POSLOVNOM PLANU SE ISTAKA ŽEKI KOJI PROŠIRUJE SVOJ VIDIK,

PA IMA BIT NA NEŠTO SVOGA PARIĆAJE TAMO DI JE PRI BI MOBI DIK.

TEHNIČKI, APARTMANI, MALI RAT - MA JOŠ NI DOSTA

ŠEPAROVIĆ JE U PONUDU JOŠ STAVI I KUĆICU SA BAZENOM ZA V.I.P. GOSTA.

JOŠKO EGEKHER SE , IAKO VEĆ NE MOŽE SNIMAT, NI LARGA BOLJANI INFO PORTALA,

I SAD SA DALIBOROM TRIBA PREGOVARAT OKO OTKUPA SNIMKE NAŠEGA KARNEVALA.

DA NE MISLITE DA KOD NAS SAMO MUŠKI POSLOVNO PROFITIRO,

EVO TI SE I LJUBICA DALA U POSAL I KROV RENOVIRO.

JE DA  VRIME BAŠ I NI POGOĐENO JERBO STALNO DAŽJI,

MA GOVORI LJUBICA DA NI PROBLEM, IMA POTE PA HI PO PODU DARŽI.

MEĐULJUDSKI ODNOSI - RIKI I BUMBA- NIŠTO JE BOLJE STANJE,

RIKI MU DONI PROŠEK DA PROVO A BUMBA GA POFALI DA OD SVIH PROŠEKA ČA JE PROVA-NJEGOVO JE NAJBOJE SRANJE.

MARIN JOŠ ISTU CURU IMA, MATEO  PUJKOTA ISTO TAKO,

DENKO SE JOŠ NI NI ANGAŽIRA A ANĐELKO PUŠE DA TO I NI TAKO LAKO.

SVEGA SMO VAM ISPRIČALI I NIŠTA VAM NISMO LAGALI,

KAD SAD POGLEDAMO GODIŠĆE IZA NAS - DOBRO SMO MI I  PASALI.

JE DA, PASAJE I IVICA KOLOČ SA ONO KOFERA U RUKU,

SAD KAD NI VIZE ZA AMERIKU , PARI DA ĆE NA TOVARA POĆ VIDIT UNUKU.

MA NEKA PUTUJE, NE TRIBA RADI TEGA PUNO DRAMIT,

JERBO SVAKI PUT KAD SE VROTI ĆE KOJU NOVU SLIKU U GALERIJU STAVIT.

MOGU JA NEŠTO REĆ??

JA NISAM ZNA DA ĆE MOJ NONO ČINIT OVE GLUPOSTI NA KARNEVALA,

I DA BARBA IVICA PUKO NE ZNA ČA JE ONO A ČA GLAVA.

ALI ZNAM DA ME ISPRID OVEGA SVITA MALO I SRAM,

PA TE NONO MOLIM,

DA TI I BARBA IVICA KOLOČ  SADA SA KUPINE IZAĐETE VAN.

OVODE ĆEMO STAT, NEĆEMO GOVORIT DAJE,

NEKA PARADA KRENE, KUPINA VAN VELIKE POZDRAVE ŠAJE.